Slik såg det ut her på Sunnmøre i går: strålande sol, grønt gras og fin kjærast! Me låg ute på graset med kvar vår bok, og utpå dagen tok me ein tur ned i fjæra. Der leita me etter slike fine sandblåste glasbrot som eg samlar på. Veit ikkje heilt korleis eg skal bruke dei enno, men ein eller annan dekorasjon skal eg nok få til. Herleg å berre ta livet med ro! Har vore ein tur på Moa for å handle i dag, og etterpå tok han og eg buss til Ålesund der me gjekk opp 418 trappetrinn for å komme til Fjellstua på Aksla. Fantastisk fin utsikt (bilete får komme seinare)! Tok ein is då me var komme ned, og var heime på Sjøholt då klokka var sju. Tenkjer det blir ein roleg kveld :)
Legg igjen ein fin tanke